يوجد عدة عوامل يجب اعتبارها اساسية لبناء العضلات بطريقة صحيحة وبسرعة
واسئلة كتير بتجيلنا ازاى اكبر العضلة بسرعة
العوامل هي
العامل الاول
النوم
يجب على متدرب كمال الأجسام النوم بمعدل 8 ساعات من 7 لـ 8 ساعات فى الليل
يعنى ممكن نقول مثلا من الساعة 10 او 12 او بالكتير 1 بالليل الى الساعة السادسة او الثامنة او التاسعة صباحا
ليه عامل النوم مهم وليه ذكرناه فيه ناس بتلغبط فى مواعيد نومها وفيه بعض الناس بتنام 4 ساعات فى وقت و4 فى وقت تانى او ساعتين وساعتين واربع ساعات يعنى على مدار اليوم بينام 3 مرات
أحب ألفت نظرك ان النوم هو أكبر عامل لنمو العضلات لأن جزء الراحة بياخد 40% من رياضة كمال الأجسام
انت بتنام وجسمك بيفضل شغال والعضلة بتبتدى تنمو
العامل الثانى
الأكل
يجب على متدرب كمال الأجسام الأكل بمعدل اربع الى خمسة وجبات يوميا ويجب ان تحتوي كل وجبة على مصدر للبروتين
لأن البروتين هو العنصر الأساسى لنمو العضلة
الأكل بياخد 40 % من رياضة كمال الأجسام
بالتالي التمرين بياخد 20 % هتسألنى ليه هقولك لان اليوم اربعة وعشرين ساعة انت بتتمرن فى اليوم ساعة واحدة بس
23 ساعة باقيين نخصم منهم 8 نوم يتبقى 15 ساعة لو كل 3 ساعات كلت وجبة غذائية مفيدة
هتبقى وحش فى خلال شهرين بالنظام دة
العامل الثالث
التركيز
فيه ناس تلاقيها فى الجيم تقعد ساعة تتكلم فى الموبايل وساعة ترغي وتتكلم مع الناس وساعة يغير هدومه وساعة يعمل مشاكل
وساعتين عشان يتمرن حاجة مملة جدا
انت بتدخل الجيم بتركز فى تمرينك متركزش مع حد تانى وتركز فى التمرينة نفسها يعنى متتمرنش وخلاص لمجرد التمرين يعدي
لا وألف لا التركيز عامل كبير جدا لنمو العضلة بشكل سليم
العامل الرابع
التنفس
الشهيق والزفير العامل دة مهم جداااااا جدا فى كمال الاجسام وتمارين كمال الاجسام يعنى متكتمش نفسك وانت بتتمرن لان التنفس بيجري الدم فى العروق وبالتالى وصول الاكسجين للعضلة وبالتالي الدم يتدفق فى العضلة وبالتالي النمو
التنفس يجب ان يكون بقوة تأخذ الشهيق من الأنف وتخرج الزفير من الفم
العامل الخامس
الراحة بين التمرينة والتانية او المجموعة والتانية
فيه ناس تتمرن مثلا بنش مسطح او اى تمرينة فى الدنيا وتقعد خمس دقايق عقبال ما تتمرن التمرينة التانية
ودة اكبر غلط لانك كدة العضلة والجسم برد . احنا بنقول نسخن العضلة تقوم انت تبردها
الراحة يجب ان تكون من 30 ثانية لأقصى حاجة دقيقة واحدة بين التمرينة والاخرى او المجموعة والاخري
هذه هي عوامل تؤدي الى نمو عضلاتك بشكل اسرع واقوى وأفضل
المصدر : موقع Gymegypt.net
